Meðferð rafhlöðu

Lithium batteríin á rafhjólunum geta haft ágæta endingu ef vel er með þau farið.

Hér á eftir eru nokkrar ábendingar sem lengt geta líftímann:

 

1 Hlaðið rafhlöðuna

Hlaðið rafhlöðuna eftir hverja notkun.

Ef það er ON/OFF rofi á rafhlöðunni, slökkvið þá á rafhlöðunni þegar ekki er verið að nota hjólið.

Takið hleðslutækið úr sambandi þegar ekki er verið að hlaða.

2 Tæmið rafhlöðuna stundum

Gott er að láta rafhlöðuna næstum tæmast u.þ.b. annan hvern mánuð.

3 Langtíma geymsla

Í langtíma geymslu er best að hlaða rafhlöðuna á u.þ.b. 3 mánaða fresti.

4 Haldið rafhlöðunni hreinni og þurri

Rafhlöðurnar þola rigningu, en best er að halda þeim þurrum og hreinum eftir því sem kostur er, til að daga úr hugsanlegri tæringu.

5 Forðist mikinn hita

Það dregur úr endingu rafhlöðunnar ef hún er geymd á heitum stað. Forðist því að geyma hjólið nálægt ofni eða í miklum hita.

6 Opnið ekki batteríið

Lithium efnið í batteríinu er afar eldfimt og getur því verið hættulegt. Best er að láta sérfræðinga um að opna það, ef þess gerist þörf.